HTTP & HTTPS and their Methods

HTTP (Hypertext Transfer Protocol) aur HTTPS (Hypertext Transfer Protocol Secure).

Security:

-> HTTP: Ye protocol secure nahi hota. Jo data server aur client ke darmiyan transfer hota hai, wo encrypt nahi hota. Is wajah se koi bhi third party us data ko intercept kar sakti hai.

-> HTTPS: Ye protocol secure hota hai. Isme data SSL/TLS (Secure Sockets Layer/Transport Layer Security) ke through encrypt hota hai, jiski wajah se data secure hota hai aur third party usse access nahi kar sakti.

SSL/TLS Certificate:

-> HTTP: SSL/TLS certificate ki zaroorat nahi hoti.

-> HTTPS: SSL/TLS certificate ki zaroorat hoti hai jo website ki identity verify karta hai aur encryption provide karta hai.

SEO Benefit:

-> HTTP: HTTP websites ko preference milti hai, isliye HTTP websites ka SEO rank thora kam ho sakta hai.

-> HTTPS: HTTPS websites ko Google aur doosre search engines zyada preference dete hain, jo SEO ranking improve karne mein helpful hota hai.

HTTPS Methods aur unka Usage:

GET:

-> Matlab: Server se data retrieve karne ke liye use hota hai.

-> Usage: Jab tum kisi website ka URL enter karte ho, to browser GET request send karta hai taake webpage ka data server se retrieve ho kar tumhe dikhaya jaye.

POST:

-> Matlab: Server ko data bhejne ke liye use hota hai, jo aksar kisi form ya user input ki shape mein hota hai.

-> Usage: Jab tum kisi form ko submit karte ho (jaise login ya sign-up), POST request send hoti hai aur user input server par save hota hai.

PUT:

-> Matlab: Server par kisi existing resource ko update karne ke liye use hota hai.

-> Usage: Agar tumhe kisi specific record ko update karna ho, jaise kisi user ke profile information ko change karna, to PUT request use hoti hai.

DELETE:

-> Matlab: Server par kisi resource ko delete karne ke liye use hota hai.

-> Usage: Jab tumhe kisi record ko delete karna ho, jaise kisi user account ko delete karna, to DELETE request send hoti hai.

PATCH:

-> Matlab: Server par kisi resource ko partially update karne ke liye use hota hai.

-> Usage: Agar tumhe kisi resource mein choti si change karni ho, jaise sirf email update karna bina baaki information ko touch kiye, to PATCH request use hoti hai.

HEAD:

-> Matlab: GET request jaisa hi hota hai, lekin response mein sirf headers return karta hai, data nahi.

-> Usage: Website ki health check karne ke liye, ya check karne ke liye ke file available hai ya nahi bina us file ko download kiye.