Dathliad Rhithiol Dydd Gwyl Dewi

Dathlwch Dydd Gwyl Dewi eleni gyda’r hashnodau yma:

#DathliadRhithiolDewi2021

#VirtualStDavidsDay21

Yn y blynyddoedd olaf r’ydym wedi gweld twf aruthrol yn y nifer o orymdeithiau neu pareds Dydd Gwyl Dewi sydd yn digwydd ar draws y wlad – oddeutu 25 yn y Cyfnod Cyn-Cofid.

Eleni yn anffodus fe fydd hi’n amhosib i gymeryd rhan mewn pared na chwaith mewn digwyddiadau ysgol, teuluol, ciniawau cymunedol nag unrhywbeth sydd yn golygu dod at ein gilydd fel cymunedau a chenedl i ddathlu dydd ein nawdd sant.

Er hynna, mae na gnewllyn o drefnwyr prif ddigwyddiadau’r wyl wedi dod at eu gilydd i rannu arfer da a syniadau ar sut i greu dathliadau rhithiol nid yn unig yng Nghymru, ond ar draws y byd ble bynnag mae ein teulu estynedig o Gymry ar Wasgar.

Mae rhain yn cynnwys Gwenno Dafydd (Anthem Dydd Gwyl Dewi, Baneri Sirol ag Ysgolion) Sion Jobbins (Pared Aber ) Rhys Llewelyn (Pared Dewi Sant Pwllheli) Alun Lenny ( Pared Caerfyrddin) Llio Sulyn (Trefnydd Digwyddiadau Rhydaman) Rhidian Evans (Pared Penfro) a Martin Evans (Prifathro Ysgol Gwaun Cae Gurwen – Baner Dydd Gwyl Dewi Ysgol Gyntaf Cymru) gyda chymorth oddiwrth Aran Jones (Say Something in Welsh.com) Elinor Tuckey (Cyngor Llyfrau Cymraeg) a Myrddin ap Dafydd (Gwasg Carreg Gwalch)

R’ydym wedi penderfynu ein bod yn mynd i wahodd pobol i gyfrannu eu dathliadau ‘rhithiol’ i hashnodau sydd wedi eu creu yn arbennig i eleni. 

Yr hashnod Gymraeg fydd:

#DathliadRhithiolDewi2021

Yr hashnod Saesneg fydd:                           

#VirtualStDavidsDay21

Dyma rai o’r syniadau sydd eisioes ar waith.

·       Dysgu Anthem Dydd Gwyl Dewi, Calon Lan a’r Anthem Genedlaethol mewn grwpiau teuluol, ysgol, cor neu gymuned - eu ricordio a’u rhoi allan ar y we o dan yr hashnod uchod.

·       Gellid prynu copi o faniwscript yr anthem yma. Mae pedair fersiwn ar gael – piano a llais, cor cymysg, cor merched a chor dynion.

https://tycerddshop.com/collections/sheet-music/composer_gwenno-dafydd?fbclid=IwAR0Lxf5J3nlLbXwt51OAqepmFyZVQuch89cBpafJAviL9s_eCl-pHV6ux_o

·       Dyma engraifft wych o sut gellid dod ac unigolion at eu gilydd yn y byd rhithiol i ganu anthem Dydd Gwyl Dewi. Mae’r diolch i ‘Wedi Saith’ Tinopolis am yr eitem ysbrydoledig yma. Plant o Dde a Gogledd Cymru, Los Angeles a Phatagonia yn canu’r anthem gyda’u gilydd. https://www.youtube.com/watch?v=BrO1cZRLTYQ

·       Athrawon: Adnodd ar HWB – gweler linc ‘Cenwch y clychau’ https://resources.hwb.wales.gov.uk/VTC/ngfl/2007-08/wsl/irf23/dewi_sant_mp3/c_index.html

·       Yn rhinwedd ei swydd fel ‘Llysgenhad Dydd Gwyl Dewi i’r Byd’ ar ran y wefan Americymru, mae Gwenno Dafydd wedi ricordio cyflwyniad Powerpoint yn Gymraeg a Saesneg sy’n son am hanes datblygiad Dathliadau Dydd Gwyl Dewi  (anthem,  gorymdeithiau, baneri sirol ag ysgolion) ers iddi gael syniad am greu anthem arbennig yn 2005 a gellid defnyddio y cyflwyniad yma mewn unrhyw gymdeithas neu grwp (mae hi eisioes wedi gneud y cyflwyniad i Ferched y Wawr) ble bynnag yn y byd.

·       Dyma’r un Gymraeg

https://www.youtube.com/watch?v=9hOfYx5s9bA&list=PLL5kFg0P4DspmjllkG3c6KVsHft3bVPQy&index=2&t=221s

·       A dyma’r un Saesneg

https://www.youtube.com/watch?v=fhy2coWd5dI&list=PLL5kFg0P4DspmjllkG3c6KVsHft3bVPQy&index=1&t=5s

·       Creu gorymdaith rhithiol ysgol, gymunedol neu deuluol. Mae plant Ysgol Gwaun Cae Gurwen yn mynd i ganu anthem Dydd Gwyl Dewi a creu gorymdaith rithiol hefyd.  Dyma’r drefn - Gwisgwch lan, neu chwifiwch faner, ewch ar orymdaith fechan o amglych y ty, yr ardd neu rhywle lleol sy’n agos at eich cartref. Tynnwch lun neu fidio. Defnyddiwch yr hashnod a lan lwythwch nhw. Byddant hefyd yn cynnal Eisteddfod ysgol yn rhithiol i ddisgyblion ar Fawrth y 1af ac yn cyflwyno enillydd y gadair.

·       Mae Pared Dewi Sant Pwllheli wedi annog plant a phobol i beintio cerrig gleision gyda delweddau Cymreig a’u gadael ar draethau Cymru ac mae nhw yn comisiynu arlunydd lleol i greu taflenni lliwio ar gyfer plant oed cynradd o’r chwech syniad gorau.  

·       Gwahoddir pobol i wneud baneri teuluol, ysgol a chymunedol  tebyg i’r dair Faner Sirol a baneri ysgol sydd eisioes wedi eu creu – (gweler y cyflwyniad gan Gwenno am fwy o wybodaeth) er mwyn eu harddangos yn y digwyddiad rhithiol neu mewn paratoad i’r flwyddyn nesaf pan fyddwn ni (gobeithio) yn medru dod n’ol at ein gilydd i’w defnyddio yn ein pareds arferol.

·       Cael cystadleuthau addurno ffenestri gyda delweddau Cymreig – cenin pedr, cenin, dreigiau, delweddau o Dewi.

·       Mae na amryw o gystadleuthau ar lein - cwis gyda Mentrau Iaith y Gorllewin, nos Fercher y 3ydd, fidios ar sut i wneud pice ar y Maen, caneuon a storiau i ddysgwyr.

·       Chwifiwch eich baneri yn eich gerddi: Y ddraig, Baner Owain Glyndwr a baner Dewi Sant.

Mae y flwyddyn olaf wedi bod yn her enfawr i ni gyd ar gymaint o lefelau felly dewch ynghyd yn y byd rhithiol, y byd sydd wedi ein galluogi i gadw mewn cysylltiad gydan hanwyliaid, a Dathlu Dydd Gwyl Dewi ym mhedwar ban byd gyda’r ddau hashnod yma.

Yr hashnod Gymraeg fydd:

#DathliadRhithiolDewi2021

Yr hashnod Saesneg fydd:                           

#VirtualStDavidsDay21

Ac efallai os fydd rhaid gohirio ein Pareds flwyddyn nesaf oherwydd y tywydd garw sydd yn tueddu i ddigwydd ar Fawrth y Cyntaf, fe allwn i barhau i ddefnyddio hashnodau bod blwyddyn i gyd-gysylltu gyda phawb sydd o’r un anian a sydd eisiau Dathlu Dydd Gwyl Dewi – ble bynnag yn y byd.